நடிகர் கமல்ஹாசனுக்கு எதிராக கர்நாடகத்தில் போராட்டம்

கன்னடம் குறித்து சர்ச்சைக்குரிய வகையில் நடிகர் கமல்ஹாசன் பேசியதைக் கண்டித்து கர்நாடகத்தின் பல்வேறு பகுதிகளில் கன்னட அமைப்பினர் போராட்டத்தில் ஈடுபட்டனர்.

- 

பெங்களூரு, மே 28:

ராஜ்கமல் பிலிம்ஸ் இன்டர்நேஷனல் தயாரிப்பில் மணிரத்னம் இயக்கத்தில் நடிகர்கள் கமல்ஹாசன், சிலம்பரசன், நாசர், நடிகைகள் திரிஷா, அபிராமி உள்ளிட்டோர் நடித்த 'தக் லைஃப்' என்ற திரைப்படம் ஜூன் 5-ஆம் தேதி திரையிடப்படுகிறது.

சென்னையில் மே 24-ஆம் தேதி நடந்த படத்தின் ஒலிப்பேழை வெளியீட்டு விழாவில் கலந்து கொண்ட கன்னட நடிகர் சிவ ராஜ்குமாரை பாராட்டும் வகையில் பேசிய கமல்ஹாசன், 'தமிழில் இருந்து பிறந்ததுதான் கன்னடம்' என்று கூறியிருந்தார். இது, கர்நாடகத்தில் பெரும் சர்ச்சைக்கு வித்திட்டுள்ளது.