நமக்கு நாமே திட்ட நிதி ரூ.150 கோடியாக உயர்வு

நிகழாண்டில் நமக்கு நாமே திட்டத்தைச் செயல்படுத்துவதற்கான நிதி ரூ. 100 கோடியிலிருந்து ரூ. 150 கோடியாக உயர்த்தப்பட்டுள்ளது.

- 

சென்னை, மே 9: மேலும், இதற்கான வழிகாட்டி நெறிமுறைகளையும் தமிழக அரசு வெளியிட்டுள்ளது.

இது குறித்து ஊரக வளர்ச்சி மற்றும் ஊராட்சித் துறை சார்பில் வெளியிடப்பட்ட உத்தரவு:

நமக்கு நாமே திட்டத்தைச் செயல்படுத்துவதற்கான நிதி ஒதுக்கீடு ரூ. 150 கோடியாக உயர்த்தப்படும் என்று சட்டப்பேரவையில் அறிவிக்கப்பட்டது. இந்தத் திட்டத்துக்கு பொதுமக்களிடம் பெருமளவில் வரவேற்பு உள்ளதால், நிகழ் நிதியாண்டில் ரூ. 50 கோடி கூடுதலாக ஒதுக்கீடு செய்யப்பட்டு நமக்கு நாமே திட்டத்துக்கான நிதி ரூ. 150 கோடியாக உயர்த்தப்படுகிறது.