திருச்செந்தூர் கோயிலில் கட்டுமானப் பணிகள்: அரசு துறைச் செயலர்கள் பதிலளிக்க உத்தரவு

திருச்செந்தூர் சுப்பிரமணிய சுவாமி கோயிலில் நடைபெற்று வரும் கட்டுமானப் பணிகளுக்கு தடை விதிக்கக் கோரிய வழக்கில், மத்திய, மாநில சுற்றுச்சூழல் துறைச் செயலர்கள் பதிலளிக்க சென்னை உயர் நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

மதுரை, ஏப். 22:

தூத்துக்குடி மாவட்டம், திருச்செந்தூரைச் சேர்ந்த ராம்குமார் ஆதித்தன் சென்னை உயர் நீதிமன்ற மதுரை அமர்வில் தாக்கல் செய்த மனு:

திருச்செந்தூர் சுப்பிரமணிய சுவாமி கோயிலில் ரூ. 300 கோடியில் பக்தர்களின் வசதிகளுக்காக கட்டுமானப் பணிகள் நடைபெற்று வருகின்றன. இந்தப் பணிகளுக்கு கடந்த 19.09.2022 அன்று சுற்றுச்சூழல் துறை, கடலோர ஒழுங்காற்று குழுமம் சார்பில் அனுமதி வழங்கப்பட்டது.

இந்த நிலையில், சுற்றுச்சூழல் துறை வழங்கிய வழிகாட்டு நெறிமுறைகள் கட்டுமானப் பணிகளின் போது பின்பற்றப்படவில்லை எனப் புகார் எழுந்தது.