எண்ம முறையில் விடைத்தாள்களை மதிப்பிடுவது புதிதல்ல

மத்திய கல்வி அமைச்சகம்

- 

'மாணவர்களின் விடைத்தாள்களை மத்திய இடைநிலைக் கல்வி வாரியம் (சிபிஎஸ்இ) எண்ம முறையில் (ஆன்-ஸ்கிரீன் மார்க்கிங்) மதிப்பிடுவது புதிதல்ல' என மத்திய கல்வி அமைச்சகம் ஞாயிற்றுக்கிழமை தெரிவித்தது.

சிபிஎஸ்இ நடத்திய 12-ஆம் வகுப்பு பொதுத் தேர்வு முடிவுகள் கடந்த புதன்கிழமை வெளியாகின. 17.68 லட்சம் மாணவ-மாணவிகள் எழுதிய இந்தத் தேர்வில் 85 சதவீதத்துக்கும் மேற்பட்டோர் தேர்ச்சி அடைந்தனர். ஆனால், கடந்த ஆண்டை ஒப்பிடுகையில் ஒட்டுமொத்த தேர்ச்சி விகிதம் 3 சதவீதம் குறைந்த நிலையில், இதுதொடர்பாக பல்வேறு விவாதங்கள் எழுந்தன.

விடைத்தாள்களை பிடிஎஃப் வடிவில் ஸ்கேன் செய்து கணினி திரையிடல் மூலம் (ஆன்-ஸ்கிரீனிங் மார்க்கிங்) ஆசிரியர்கள் மதிப்பிடுவதே மாணவர்களின் தேர்ச்சி விகிதம் குறைந்ததற்கு காரணம் என பெற்றோர்கள் குற்றஞ்சாட்டினர்.