ஆக்ஸ்ஃபோர்டு பல்கலைக்கழக உதவித் தொகை: 2028-இல் அதிக இந்தியர்களுக்கு கிடைக்க வாய்ப்பு

பிரிட்டனில் உள்ள புகழ்பெற்ற ஆக்ஸ்ஃபோர்டு பல்கலைக்கழகத்தில் முழு கல்வி உதவித் தொகையுடன் முதுநிலை பட்டப் படிப்பை மேற்கொள்வதற்கு வரும் 2028-ஆம் ஆண்டு முதல் அதிக இந்தியர்களுக்கு வாய்ப்பு கிடைக்கவுள்ளது.

- 

புது தில்லி, ஜூன் 8:

ஆக்ஸ்ஃபோர்டு பல்கலைக்கழகத்தின் 'ரோட்ஸ்' கல்வி உதவித் தொகை அறக்கட்டளை சார்பில் வெளிநாட்டு மாணவர்களுக்கு கடந்த 1903-ஆம் ஆண்டு முதல் ஒவ்வொரு ஆண்டும் உதவித் தொகை வழங்கப்பட்டு வருகிறது. கல்வியில் தலைசிறந்து விளங்கும் வெளிநாடுகளைச் சேர்ந்த 106 மாணவ, மாணவிகளுக்கு தற்போது வழங்கப்பட்டு வருகிறது. இதில் இந்தியாவுக்கு மட்டும் 6 கல்வி உதவித் தொகைகள் வழங்கப்படுகின்றன.

உதவித் தொகை, கல்விக் கட்டணம், வாழ்க்கைச் செலவுகள் மற்றும் பயணச் செலவுகள் உள்ளிட்ட அனைத்துச் செலவுகளுக்குமான தொகை இத்திட்டத்தின்கீழ் மாணவர்களுக்கு வழங்கப்படும்.