புதுக்கோட்டை திலகர் திடலில் திங்கள்கிழமை மாலை நடைபெற்ற ஆர்ப்பாட்டத்தில் பேசிய விடுதலைச் சிறுத்தைகள் கட்சித் தலைவர் தொல். திருமாவளவன். உடன் கட்சியினர்.

ஆதிதிராவிட மக்கள் மீதான தாக்குதல் சம்பவங்களில் ஆட்சியர்கள், காவல்துறையினர் எப்படி நடந்து கொள்ள வேண்டும் என தமிழக முதல்வர் உரிய வழிகாட்டுதல்களை வழங்க வேண்டும் என்றார் விசிக தலைவர் தொல். திருமாவளவன்.

- 

புதுக்கோட்டை/திருச்சி மே 19:

வடகாடு சம்பவத்தைக் கண்டு புதுக்கோட்டை திலகர் திடலில் திங்கள்கிழமை நடைபெற்ற ஆர்ப்பாட்டத்தில் அவர் பேசியது: திமுக கூட்டணியில் இருந்தாலும், மக்கள் பிரச்னைகளின் அடிப்படையில் வேங்கை வயலுக்காகவும் போராட்டம் நடத்தினோம். இப்போது வடகாட்டுக்காகவும் போராட்டம் நடத்துகிறோம். வடகாடு சம்பவத்தில் காவல்துறையினர் முன்முடிவுக்கு வந்து அதற்கேற்ப ஆவணங்களைத் திரட்டுகிறார்கள். ஜாதிய மோதல் அல்ல என்று காவல் கண்காணிப்பாளர் அறிக்கை வெளியிட்ட பிறகு, அவருக்குக் கீழே உள்ள அதிகாரி வேறு எப்படி புலனாய்வைச் செய்ய முடியும்? எனவே, சிபிசிஐடி விசாரணைக்கு உத்தரவிட வேண்டும் என்றார் அவர்.