சவுக்கு சங்கர் விவகாரம்: வழக்குகளை ஒன்றாக சேர்த்து விசாரிக்க உத்தரவு

யூடியூப் சானலுக்கு அளித்த நேர்காணல் விவகாரத்தில் யூடியூபர் சவுக்கு சங்கர் மீது பதிவு செய்யப்பட்ட அனைத்து வழக்குகளையும் பிரதான வழக்குடன் சேர்த்து விசாரிக்க உச்சநீதிமன்றம் திங்கள்கிழமை அனுமதி அளித்தது.

- நமது நிருபர்

நமது நிருபர் புது தில்லி, பிப். 24: யூடியூப் சானலுக்கு அளித்த நேர்காணல் விவகாரத்தில் யூடியூபர் சவுக்கு சங்கர் மீது பதிவு செய்யப்பட்ட அனைத்து வழக்குகளையும் பிரதான வழக்குடன் சேர்த்து விசாரிக்க உச்சநீதிமன்றம் திங்கள்கிழமை அனுமதி அளித்தது.

சவுக்கு சங்கர் இணையதள சானலுக்கு அளித்த நேர்காணலில் பெண் போலீஸாரை தரக்குறைவாக விமர்சித்ததாக புகார் எழுந்தது. இது தொடர்பாக அவர் மீது பல்வேறு வழக்குகள் பதிவு செய்யப்பட்டன. இந்நிலையில், தன் மீதான 16 வழக்குகளை ரத்து செய்யக் கோரி உச்சநீதிமன்றத்தில் சவுக்கு சங்கர் தரப்பில் மனு தாக்கல் செய்யப்பட்டிருந்தது.

இந்த மனு உச்சநீதிமன்றத்தில் தலைமை நீதிபதி சஞ்சீவ் கன்னா, நீதிபதி சஞ்சீவ் குமார் ஆகியோர் அடங்கிய அமர்வு முன் விசாரணைக்கு வந்தது.