கணவர், மாமனார் கொன்று எரிப்பு: ஆண் நண்பருடன் பெண் கைது

கிருஷ்ணகிரியில் ராணுவ வீரரான கணவர், அவரது தந்தையை, தனது ஆண் நண்பருடன் சேர்ந்து கொன்று எரித்ததாக பெண்ணை, அவரது நண்பருடன் போலீஸார் கைது செய்தனர்.

- 

கிருஷ்ணகிரியில் இருந்து ராயக்கோட்டை செல்லும் சாலையில் வெப்பாலம்பட்டியில் ஞாயிற்றுக்கிழமை எரிந்த நிலையில் ஒருவரின் சடலம் கிடந்தது. அந்த இடத்தில் இருந்து அரை கி.மீ. தொலைவில் கொடுகூரில் மற்றோர் ஆண் சடலம் எரிந்த நிலையில் கிடப்பது தெரியவந்தது. அவற்றை போலீஸார் கைப்பற்றி விசாரணை நடத்தினர். இந்த சம்பவம் தொடர்பாக குற்றவாளிகளைப் பிடிக்க 5 தனிப்படைகள் அமைக்கப்பட்டன.

இந்த நிலையில், விடுமுறையில் ஊருக்கு வந்திருந்த ராணுவ வீரரான பெல்லாரம்பள்ளியைச் சேர்ந்த மகேஷ்குமார் (43), அவரது தந்தை ஓய்வு பெற்ற ராணுவ வீரர் செல்லப்பன் (62) ஆகியோர் காணாமல்போனது தெரியவந்தது.