குருகிராமில் கனமழையால் போக்குவரத்து நெரிசல்

தண்ணீர் தேங்கியதால் மக்கள் கடும் அவதி

- 

குருகிராம், செப். 2: கடந்த இரண்டு நாள்களாக குருகிராமில் இடைவிடாது பெய்த மழையால் நகரம் முழுவதும் பரவலான நீர் தேக்கம் மற்றும் போக்குவரத்து நெரிசல் ஏற்பட்டது. இதனால், பொதுமக்களின் இயல்பு வாழ்க்கை பாதிக்கப்பட்டு அவர்கள் கடுமையான இடையூறுகளை எதிர்கொண்டனர்.

குருகிராமில் கடந்த ஒரே நாளில் 150 மி.மீ. மழை பெய்துள்ளதாக குருகிராம் மாவட்டத் தகவல் தொடர்பு அதிகாரி பிஜேந்திர குமார் செவ்வாய்க்கிழமை தெரிவித்தார். மழையால் ஏற்பட்ட போக்குவரத்து நெரிசலில் சிலர் திங்கள்கிழமை நள்ளிரவு வரை சிக்கினர்.