தில்லியில் வெவ்வேறு சாலை தகராறு சம்பவங்களில் 3 பேர் காயம்

தில்லியில் தனித்தனியே நடைபெற்ற சாலைத் தகராறுகளில் 3 பேர் காயமடைந்ததாக அதிகாரிகள் தெரிவித்தனர்.

- 

புது தில்லி, ஜூலை 31:

துவாரகா செக்டார் 10-இல் உள்ள உணவகம் அருகே கடந்த ஜூலை 27-ஆம் தேதி ஹாரன் சப்தத்தை எழுப்பியதில் கோபமடைந்த 8 பேர், காரில் இருந்த இருவரை மது பாட்டில்கள் மற்றும் கற்களால் தாக்கினர்.

இது தொடர்பாக காவல் துறை அதிகாரிகள் கூறியதாவது: ரோஹிணி நீதிமன்றத்தில் பணிபுரியும் மனோஜ், அவருடைய நண்பர்கள் குணல் மற்றும் நாகேந்திரா ஆகியோருடன் துவாரகாவில் உள்ள இரவு நேர உணவுக் கடைக்கு கடந்த ஜூலை 27-ஆம் தேதி சென்றிருந்தார். அப்போது, கடை ஊழியரை அழைப்பதற்காக மனோஜ் காரில் இருந்தபடியே ஹாரனை அடித்ததாகக் கூறப்படுகிறது.