அமெரிக்க வர்த்தக ஒப்பந்தத்தை இறுதி செய்ய தீவிரம்

இந்திய பேச்சுவார்த்தை குழுத் தலைவர்

- 

புது தில்லி, ஜூலை 10: இந்தியா-அமெரிக்கா வர்த்தக ஒப்பந்தத்தை இறுதி செய்ய தீவிர முயற்சி மேற்கொள்ளப்பட்டு வருவதாக இந்திய தரப்பு பேச்சுவார்த்தை குழுத் தலைவரான மத்திய வர்த்தகத்துறைச் சிறப்பு செயலர் ராஜேஷ் அகர்வால் வியாழக்கிழமை தெரிவித்தார்.

தில்லியில் நடைபெற்ற வர்த்தக நிகழ்ச்சியொன்றில் பங்கேற்றுப் பேசிய ராஜேஷ் அகர்வால், 'இந்தியா இதுவரை 26 நாடுகளுடன் 14-க்கும் மேற்பட்ட தடையற்ற வர்த்தக ஒப்பந்தங்களை இறுதி செய்துள்ளது. இந்தியா தற்போது முக்கியச் சந்தைகளுடன் இணைந்து வருகிறது.