இறுதிக்கட்டத்தில் வெற்றியைத் தாமதப்படுத்திய மழை

இந்தியா - இங்கிலாந்து இடையேயான கடைசி டெஸ்ட் இறுதிக்கட்டத்தை எட்டிய நிலையில், இரு அணிகளுமே வெற்றி பெறும் நிலையில் உள்ளன.

- 

லண்டன், ஆக. 3:

வெளிச்சமின்மை மற்றும் மழை காரணமாக, 4-ஆம் நாளான ஞாயிற்றுக்கிழமை ஆட்டம் முன்னதாகவே முடித்துக் கொள்ளப்பட்டது.

374 ரன்களை வெற்றி இலக்காகக் கொண்டு விளையாடிய இங்கிலாந்து அணியின் வரலாற்று வெற்றிக்கு 35 ரன்களே தேவையிருக்க, இந்தியாவின் வெற்றிக்கு 4 விக்கெட்டுகளே தேவையாக உள்ளன. கடைசி நாள் ஆட்டம் திங்கள்கிழமை நடைபெறுகிறது.

5 ஆட்டங்கள் கொண்ட இந்தத் தொடரில் இங்கிலாந்து 2-1 என முன்னிலையில் இருக்க, தொடரை டிரா செய்ய இந்த கடைசி ஆட்டத்தில் வென்றாக வேண்டிய கட்டாயத்தில் இந்தியா இருப்பது குறிப்பிடத்தக்கது.