ஈரான் - இஸ்ரேல் போர்: பதற்றத்தைத் தணிக்க இந்தியா பேச்சு

ஈரான் மீது இஸ்ரேல் அண்மையில் நடத்திய குண்டுவீச்சு தாக்குதலுக்கு கண்டனம் தெரிவித்துள்ள காங்கிரஸ் கட்சி, பதற்றத்தைத் தணிக்க இந்தியா பேச்சுவார்த்தை நடத்த வேண்டும் என்று வலியுறுத்தியது.

- 

புது தில்லி, ஜூன் 15:

இதுதொடர்பாக அக்கட்சியின் பொதுச் செயலாளர் ஜெய்ராம் ரமேஷ், எக்ஸ்வலைதளத்தில் ஞாயிற்றுக்கிழமை வெளியிட்ட பதிவில், 'ஈரான் மீது இஸ்ரேல் அண்மையில் குண்டுவீசித் தாக்குதல் நடத்தியதையும் அந்நாட்டு தளபதிகள் உள்ளிட்டோரை குறிவைத்து படுகொலை செய்ததையும் காங்கிரஸ் கட்சி வன்மையாகக் கண்டிக்கிறது. இஸ்ரேல் நடத்திய தாக்குதலால் பிராந்திய அளவிலும் உலக அளவிலும் அபாயகரமான விளைவுகள் ஏற்படும்.

இந்தத் தாக்குதல் ஈரானின் இறையாண்மை மற்றும் உரிமைகளை மீறிய செயலாகும். இத்தாக்குதல் அந்தப் பிராந்தியத்தில் நிலையற்ற தன்மையை அதிகரித்து, பூசலை மேலும் பெரிதாக்கும்.