விவிபேட் சீட்டுகளை 100% எண்ணக் கோரிய மனு

உச்சநீதிமன்றம் தள்ளுபடி

- 

புது தில்லி, ஏப்.7: தேர்தல்களில் பதிவாகும் விவிபேட் சீட்டுகளை 100 சதவீதம் எண்ண வேண்டும் என இந்திய தேர்தல் ஆணையத்துக்கு உத்தரவிடக் கோரிய மனுவை உச்சநீதிமன்றம் திங்கள்கிழமை தள்ளுபடி செய்தது.

வாக்குப்பதிவு இயந்திரத்தில் (இவிஎம்) பதிவாகும் வாக்குகளை விவிபேட் சீட்டுகளுடன் 100 சதவீதம் ஒப்பிட்டு பார்க்க வேண்டும் என கடந்த ஆண்டு உச்ச நீதிமன்றத்தில் மனுக்கள் தாக்கல் செய்யப்பட்டன. இந்த மனுக்களை நிராகரித்த உச்ச நீதிமன்றம் இவிஎம் பாதுகாப்பானது, பயன்பாட்டுக்கு எளிமையானது என தீர்ப்பளித்தது.