ஜப்பான் முன்னாள் பிரதமர் கொலையாளிக்கு ஆயுள் சிறை

ஜப்பான் முன்னாள் பிரதமர் ஷின்ஸோ அபேயை துப்பாக்கியால் சுட்டுக்கொன்ற வழக்கில், குற்றவாளி டெட்சுயா யமாகாமிக்கு(45) ஆயுள் சிறை தண்டனை விதித்து நாரா மாவட்ட நீதிமன்றம் புதன்கிழமை தீர்ப்பளித்தது.

- 

கடந்த 2022-ஆம் ஆண்டு ஜூலை மாதம், மேற்கு ஜப்பானின் நாரா நகரில் தேர்தல் பிரசாரத்தில் ஈடுபட்டிருந்த ஷின்ஸோ அபே, யமாகாமியால் துப்பாக்கியால் சுடப்பட்டு உயிரிழந்தார். இந்தச் சம்பவம் ஜப்பானில் பெரும் அதிர்ச்சியை ஏற்படுத்திய நிலையில், அரசுத் தரப்பு கோரிய ஆயுள் தண்டனையை ஏற்று நீதிமன்றம் இந்தத் தீர்ப்பை வழங்கியுள்ளது.