தனியார்மயம் குறித்து நிர்மலா சீதாராமன் பேச்சு: வங்கி சங்கங்களின் கூட்டமைப்பு அதிருப்தி

பொதுத் துறை வங்கிகளைத் தனியார்மயமாக்குவது குறித்து மத்திய நிதியமைச்சர் நிர்மலா சீதாராமன் பேசியதை விமர்சித்துள்ள வங்கி சங்கங்களின் கூட்டமைப்பு, 'கூடுதல் மூலதனம் ஒதுக்கீடு செய்து பொதுத் துறை வங்கிகளின் செயல்திறனை மேம்படுத்த வேண்டும்' என்று வலியுறுத்தியுள்ளது.

- 

அண்மையில் தில்லியில் நிகழ்ச்சியில் பேசிய நிர்மலா சீதாராமன், 'கடந்த 1969-ஆம் ஆண்டில் மேற்கொள்ளப்பட்ட வங்கிகள் தேசியமயமாக்கல், அனைவருக்குமான நிதிச் சேவை என்பதில் விரும்பிய பலனைத் தரவில்லை. வங்கிகள் தனியார் மயமாக்கம் தேச நலனைப் பாதிக்காது' என்று கூறியிருந்தார்.