திட்டமிட்டபடி இன்று பாமக பொதுக்குழு: ராமதாஸ்

பாமக மாநில சிறப்பு பொதுக்குழு கூட்டம் திட்டமிட்டபடி விழுப்புரம் மாவட்டம் பட்டானூரில் ஞாயிற்றுக்கிழமை (ஆக.17) நடைபெறும் என்று அக்கட்சியின் நிறுவனர் ச.ராமதாஸ் உறுதிப்படுத்தினார்.

- 

விழுப்புரம், ஆக.16: பாமக மாநில சிறப்பு பொதுக்குழு கூட்டம் திட்டமிட்டபடி விழுப்புரம் மாவட்டம் பட்டானூரில் ஞாயிற்றுக்கிழமை (ஆக.17) நடைபெறும் என்று அக்கட்சியின் நிறுவனர் ச.ராமதாஸ் உறுதிப்படுத்தினார்.

மருத்துவர் ராமதாஸின் மனைவி சரஸ்வதியின் பிறந்த நாளையொட்டி, அவரது மகன் அன்புமணி தனது குடும்பத்தினருடன் திண்டிவனம் அருகேயுள்ள தைலாபுரம் தோட்டத்துக்கு வெள்ளிக்கிழமை வந்து, தனது தாயைச் சந்தித்தார். இதைத் தொடர்ந்து, ராமதாஸ் அறிவித்திருந்த கட்சியின் மாநில சிறப்பு பொதுக்குழுக் கூட்டம் ரத்து செய்யப்படுவதாக சமூக ஊடகங்களில் செய்திகள் பரவின.