தியாகராஜ சுவாமி கோயிலில்...

மயிலாடுதுறை மாவட்டம், திருக்கடையூரில் உள்ள அபிராமி அம்மன் உடனாகிய அமிர்தகடேஸ்வரர் கோயில் ஆடிப்பூரத் தேரோட்டம் ஞாயிற்றுக்கிழமை நடைபெற்றது.

- 

தரங்கம்பாடி, ஜூலை 27:

தருமபுரம் ஆதீனத்திற்குட்பட்ட இக்கோயிலில் மூலவராக அமிர்தகடேஸ்வரரும், உற்சவராக காலசம்ஹார மூர்த்தியும் அருள்பாலிக்கின்றனர். முற்காலத்தில் தேவர்களும், அசுரர்களும் பாற்கடலைக் கடைந்து அமிர்தம் எடுத்து, அவர்களுக்குள் பகிர்ந்துகொள்ள முயன்றபோது, முழுமுதற் கடவுளான விநாயகரை வழிபட மறந்தனர். இதனால் சினம்கொண்ட விநாயகர், அமிர்தம் நிறைந்த குடத்தை மறைத்து வைத்ததாகவும், இந்த அமிர்தம் நிறைந்த குடமே சிவலிங்கமாக மாறி இக்கோயிலில் அமிர்தகடேஸ்வரராக அருள்பாலிப்பதாகவும் தல புராணம் கூறுகிறது.

இக்கோயில் சஷ்டியப்த பூர்த்தி, பீமரத சாந்தி, விஜயரத சாந்தி, சதாபிஷேகம், கனகாபிஷேகம் ஆகிய வழிபாடுகளுக்குச் சிறப்புப் பெற்றதாகும். இதனால், தினந்தோறும் தமிழகத்தின் பல்வேறு பகுதிகளில் இருந்து ஆயிரக்கணக்கான பக்தர்கள் இங்கு வந்து வழிபட்டுச் செல்கின்றனர்.