கண் மருத்துவர் நம்பெருமாள்சாமி காலமானார்

மதுரை அரவிந்த் மருத்துவமனை குழுமத் தலைவரும் கண் மருத்துவ நிபுணருமான நம்பெருமாள்சாமி (86) சென்னையில் வியாழக்கிழமை (ஜூலை 24) காலமானார்.

- 

மதுரை/சென்னை, ஜூலை 24:

சென்னையிலிருந்து அவரது உடல் மதுரைக்குக் கொண்டுவரப்பட்டு, மதுரை அண்ணாநகரில் உள்ள மருத்துவமனை வளாகத்தில் பொதுமக்கள் அஞ்சலிக்காக வைக்கப்பட்டது. தொடர்ந்து, தேனி அம்பாசமுத்திரம் கிராமத்தில் உள்ள அவரது இல்லத்தில் வெள்ளிக்கிழமை (ஜூலை 25) மாலை இறுதிச் சடங்குகள் நடைபெற்று, அங்குள்ள மின் மயானத்தில் உடல் தகனம் செய்யப்படவுள்ளது.

மறைந்த நம்பெருமாள்சாமிக்கு மனைவி நாச்சியார், மகன்கள் வெங்கடேஷ் பிரசன்னா, விஷ்ணு பிரசாத் ஆகியோர் உள்ளனர்.

மதுரை அரசு ராஜாஜி மருத்துவமனையில் தனது பணியை நம்பெருமாள் சாமி தொடங்கினார். கடந்த 1967-ஆம் ஆண்டு பார்வைக் குறைபாடுகளுக்கான மருத்துவமனையை நிறுவினார்.