தமிழகம், புதுவையில் நிகழாண்டு இறுதிக்குள் வாக்காளர் பட்டியல் திருத்தப் பணிகள்

தேர்தல் ஆணையம் முடிவு

- 

புது தில்லி, ஜூன் 25: அடுத்த ஆண்டு பேரவைத் தேர்தலை எதிர்கொண்டுள்ள தமிழகம், கேரளம், மேற்கு வங்கம், அஸ்ஸாம் ஆகிய 4 மாநிலங்களும் மற்றும் புதுச்சேரி யூனியன் பிரதேசத்திலும் வாக்காளர் பட்டியல் சிறப்பு தீவிர திருத்தப் பணிகளை நிகழாண்டு இறுதிக்குள் தொடங்க தேர்தல் ஆணையம் முடிவு செய்துள்ளது.

நிகழாண்டு இறுதியில் பேரவைத் தேர்தல் நடைபெறும் பிகாரில் இந்த நடவடிக்கை ஏற்கனவே அறிவிக்கப்பட்ட நிலையில், அடுத்தகட்டமாக மேற்கண்ட மாநிலங்களில் தொடங்கப்படவுள்ளது. சட்டவிரோத குடியேறிகளின் பெயரை வாக்காளர் பட்டியலில் இருந்து நீக்குவதை முக்கிய நோக்கமாகக் கொண்டு இப்பணிகள் நடைபெறவுள்ளன.