100 நாள் வேலைத் திட்டம்: மத்திய அரசைக் கண்டித்து ஆர்ப்பாட்டம்

நூறு நாள் வேலைத் திட்டத்திற்கு போதிய நிதி வழங்காத மத்திய அரசைக் கண்டித்து நாகை மற்றும் மயிலாடுதுறை மாவட்டங்களில் தமிழ் மாநில விவசாயத் தொழிலாளர் சங்கம் (சிபிஐ சார்பு) சார்பில் செவ்வாய்க்கிழமை ஆர்ப்பாட்டம் நடைபெற்றது.

- 

நாகப்பட்டினம்/மயிலாடுதுறை, ஏப்.1:

மத்திய அரசு 100 நாள் வேலைத் திட்டத்துக்கு போதிய நிதி ஒதுக்க வேண்டும்; வேலை மறுக்கப்பட்ட நாள்களுக்கு சட்டப்படி வேலையின்மைக்கான படி வழங்க வேண்டும்; ஆண்டுக்கு 200 நாள் வேலையுடன் நாளொன்றுக்கு ரூ.700 ஊதியம் வழங்க வேண்டும்; இத்திட்டத்தை நகராட்சி, பேரூராட்சிகளுக்கும் விரிவுபடுத்த வேண்டும்; 3 மாத ஊதிய நிலுவையை வட்டியுடன் வழங்க வேண்டும் என்பன உள்ளிட்ட கோரிக்கைகள் இந்த ஆர்ப்பாட்டத்தில் வலியுறுத்தப்பட்டன.

நாகை: நாகை வட்டார வளர்ச்சி அலுவலகம் முன் விதொச ஒன்றியச் செயலர் நீதிராஜன், ஒன்றியத் தலைவர் கல்யாணசுந்தரம் ஆகியோர் தலைமையில் ஆர்ப்பாட்டம் நடைபெற்றது. மாவட்டச் செயலர் சரபோஜி தொடங்கி வைத்தார். ஒன்றியச் செயலர் செல்லத்துரை, நகரச் செயலர் குணாநிதி உள்ளிட்டோர் கலந்து கொண்டனர்.