அரசு மரியாதையுடன் கவிஞர் புவியரசு உடல் தகனம்

மறைந்த கவிஞர் புவியரசு உடல் அரசு மரியாதையுடன் புதன்கிழமை தகனம் செய்யப்பட்டது.

- 

வானம்பாடி கவிஞர்களில் முதன்மையானவரும், இரண்டு முறை சாகித்திய அகாதெமி விருது பெற்றவருமான கவிஞர் புவியரசு (94), கோவை மாவட்டம், பெரியநாயக்கன்பாளையம் அருகே பிரஸ் காலனியில் உள்ள அவரது இல்லத்தில் செவ்வாய்க்கிழமை காலமானார்.

இந்நிலையில், பல்வேறு இலக்கிய அமைப்புகள், பொதுமக்கள் கேட்டுக் கொண்டதையடுத்து அரசு மரியாதையுடன் புவியரசு உடல் தகனம் செய்யப்படும் என முதல்வர் ச. ஜோசப் விஜய் அறிவித்தார்.

பெரியநாயக்கன்பாளையம் அருகே வண்ணாங்கோவில் பிரிவிலுள்ள நித்யானந்தா எரியூட்டு மைதானத்தில் புதன்கிழமை காலை 10.30 மணி அளவில் இறுதி அஞ்சலிக் கூட்டம் நடைபெற்றது.