முதல்வர் ஸ்டாலின் சவால்: எடப்பாடி பழனிசாமி பதில்

அதிமுக ஆட்சியில் நிறைவேற்றப்பட்ட திட்டங்கள் குறித்து பதில் அளிக்கத் தயார் என்று முதல்வர் மு.க. ஸ்டாலினுக்கு அதிமுக பொதுச் செயலர் எடப்பாடி கே. பழனிசாமி பதில் அளித்துள்ளார்.

- 

கள்ளக்குறிச்சியில் வெள்ளிக்கிழமை நடைபெற்ற அரசு விழாவில் பேசிய முதல்வர் ஸ்டாலின், திமுக ஆட்சியில் பல்வேறு அரசுத் துறைகள் தேசிய அளவில் முதலிடத்தில் இருப்பதாகத் தெரிவித்தார். இதில் 5 சதவீதமாவது அதிமுக ஆட்சிக் காலத்தில் நடந்ததா? அவர்களால் சொல்ல முடியுமா? என சவால் விடுத்திருந்தார்.

இதற்குப் பதில் அளிக்கும் வகையில், அதிமுக பொதுச் செயலர் எடப்பாடி பழனிசாமி எக்ஸ் தளத்தில் சனிக்கிழமை வெளியிட்ட பதிவு: அதிமுக ஆட்சியின்போது திட்டங்கள் எதையும் நிறைவேற்றப்படவில்லை என கள்ளக்குறிச்சியில் முதல்வர் மு.க. ஸ்டாலின் பொது மேடையில் பேசியுள்ளார்.