பி.கே. மூக்கையா தேவர் நினைவு நாள்: அரசியல் கட்சியினர் மரியாதை

பார்வர்டு பிளாக் கட்சியின் மறைந்த மூத்த தலைவர் பி.கே. மூக்கையா தேவரின் நினைவு நாளையொட்டி, அவரது சிலைக்கு பல்வேறு அரசியல் கட்சிகள் சார்பில் சனிக்கிழமை மாலை அணிவித்து மரியாதை செலுத்தப்பட்டது.

- 

மதுரை, செப். 6: பார்வர்டு பிளாக் கட்சியின் மறைந்த மூத்த தலைவர் பி.கே. மூக்கையா தேவரின் நினைவு நாளையொட்டி, அவரது சிலைக்கு பல்வேறு அரசியல் கட்சிகள் சார்பில் சனிக்கிழமை மாலை அணிவித்து மரியாதை செலுத்தப்பட்டது.

பி.கே. மூக்கையா தேவரின் 46-ஆவது நினைவு தினம் சனிக்கிழமை அனுசரிக்கப்பட்டது. இதையொட்டி, பல்வேறு அரசியல் கட்சிகள் சார்பில், உசிலம்பட்டியில் உள்ள நினைவிடத்திலும், மதுரை அரசரடியில் உள்ள அவரது சிலைக்கும் மாலைகள் அணிவித்து மரியாதை செலுத்தப்பட்டது.

திமுக சார்பில் அமைச்சர்கள் எ.வ.வேலு, பி. மூர்த்தி, கட்சி நிர்வாகிகள் உசிலம்பட்டியில் உள்ள பி.கே. மூக்கையா தேவர் நினைவிடத்தில் மலர் தூவி, மரியாதை செலுத்தினர்.