விஜய் வியூகம் வெற்றி பெறுமா...?

தமிழகம் மற்றும் ஆந்திர அரசியலில் திரைப்பட நடிகர்களின் தாக்கம் அதிகம். நடிகராக இருந்து அரசியலுக்கு வந்த எம்.ஜி.ஆர் முதல்வரானார். ஆந்திரத்தில் ஒரே தேர்தலில் என்.டி.ஆர் முதல்வரானார்.

- 

எம்.ஜி.ஆர்-க்குப் பிறகு சிவாஜி, பாக்கியராஜ் உள்ளிட்ட திரைப்பிரபலங்கள் கட்சி தொடங்கினாலும் வெற்றிபெற முடியவில்லை.

நடிகர் விஜயகாந்த் கட்சி தொடங்கி பல தேர்தல்களைச் சந்தித்து எதிர்க்கட்சித் தலைவராக முடிந்தது. அரசியல் பிரவேசத்தை அறிவித்த ரஜினிகாந்த், பாதியிலேயே அதைக் கைவிட்டு விட்டார்.

விஜய்யின் அரசியல் பிரவேசத்தை இந்து மக்கள் கட்சி முழுமையாக வரவேற்கிறது. திரைத்துறையில் தனது மார்க்கெட்டை இழக்காத நிலையில், நல்ல ஊதியத்தை உதறிவிட்டு அரசியலுக்கு அவர் வந்துள்ளதால், நல்லது செய்வார் என்று மக்கள் நம்புகின்றனர்.

ஆனால், விஜய்யின் பின்னணியில் திமுக வியூகம், கிறிஸ்தவ மிஷினரிகளின் பின்புலம் உள்ளது. எதிர்க்கட்சிகளின் வாக்குகளைச் சிதறடிக்க, திமுகவே தங்களது பி-டீமை ஒவ்வொரு தேர்தலிலும் உருவாக்கும் வியூகத்தை வைத்துள்ளது.