நாளை மாநில நிதியமைச்சர்கள் குழு கூட்டம்

சரக்கு மற்றும் சேவை வரி (ஜிஎஸ்டி) விகிதப் பகுப்பாய்வு, இழப்பீடு வரி, மருத்துவ மற்றும் ஆயுள் காப்பீட்டு கட்டணத்துக்கான ஜிஎஸ்டி விலக்கு குறித்த பரிந்துரைகள் வழங்குவதற்காக பல்வேறு மாநிலங்களின் நிதி அமைச்சர்கள் மற்றும் பிற அமைச்சர்களை உள்ளடக்கிய 3 குழுக்களின் (ஜிஓஎம்) இருநாள் ஆலோசனைக் கூட்டம் புதன்கிழமை (ஆக.20) தொடங்குகிறது.

- 

புது தில்லி, ஆக.18:

இதில் பங்கேற்று அடுத்த தலைமுறைக்கான ஜிஎஸ்டி சீர்திருத்தம் (ஜிஎஸ்டி 2.0) குறித்து நிதியமைச்சர் நிர்மலா சீதாராமன் எடுத்துரைக்கவுள்ளார்.

தற்போது நடைமுறையில் உள்ள 5%, 12%, 18%, 28% என 4 ஜிஎஸ்டி விகிதங்களை 5%, 18% என இரண்டாகக் குறைக்கவும் 7 பொருள்கள் மீது மட்டும் 40% வரி விகிதத்தை கடைப்பிடிக்கவும் ஜிஓஎம்-க்கு நிதியமைச்சகம் பரிந்துரைத்தது.