சாத்தூர் வெடி விபத்தில் உயிரிழந்தோருக்கு அரசு நிவாரணம் அறிவித்தது தவறான முன்னுதாரணம்

சாத்தூர் அருகே வீட்டில் சட்டவிரோதமாக பட்டாசுகள் தயாரித்த போது நிகழ்ந்த வெடி விபத்தில் உயிரிழந்தோரின் குடும்பங்களுக்கு நிவாரணம் வழங்கப்படும் என அரசு அறிவித்தது, ஒரு தவறான முன்னுதாரணம் என விருதுநகர் மாவட்ட பாஜக துணைத் தலைவர் பாலசுப்பிரமணியன் தெரிவித்தார்.

- 

சிவகாசி, ஆக.10:

விருதுநகர் மாவட்டம், சாத்தூர் அருகேயுள்ள விஜயகரிசல்குளத்தில் வீட்டில் சட்டவிரோதமாக பட்டாசுகள் தயாரித்த போது நிகழ்ந்த வெடி விபத்தில், 2 பெண்கள் உள்பட 3 பேர் உயிரிழந்தனர். இதையடுத்து, உயிரிழந்தவர்களின் குடும்பங்களுக்கு முதல்வரின் பொது நிவாரண நிதியிலிருந்து தலா ரூ.4 லட்சம், காயமடைந்தவர்களுக்கு தலா ரூ. ஒரு லட்சமும் வழங்கப்படும் என முதல்வர் ஸ்டாலின் அறிவித்தார்.