ஸ்வெரெவுக்கு 500-ஆவது வெற்றி

கனடியன் ஓபன் டென்னிஸ் போட்டியில், தரவரிசையில் நம்பர் 1 வீரரான ஜெர்மனியின் அலெக்ஸாண்டர் ஸ்வெரெவ், நடப்பு சாம்பியனான ஆஸ்திரேலியாவின் அலெக்ஸி பாபிரின் ஆகியோர் காலிறுதிக்கு முந்தைய சுற்றுக்கு வெள்ளிக்கிழமை முன்னேறினர்.

- 

மான்ட்ரியல், ஆக. 1: கனடியன் ஓபன் டென்னிஸ் போட்டியில், தரவரிசையில் நம்பர் 1 வீரரான ஜெர்மனியின் அலெக்ஸாண்டர் ஸ்வெரெவ், நடப்பு சாம்பியனான ஆஸ்திரேலியாவின் அலெக்ஸி பாபிரின் ஆகியோர் காலிறுதிக்கு முந்தைய சுற்றுக்கு வெள்ளிக்கிழமை முன்னேறினர்.

ஆடவர் ஒற்றையர் 3-ஆவது சுற்றில், ஸ்வெரெவ் 6-7 (5/7), 6-3, 6-2 என்ற செட்களில், 32-ஆம் இடத்திலிருந்த இத்தாலியின் மேட்டியோ அர்னால்டியை முறியடித்தார். ஏடிபி டூர் போட்டிகளில் அவருக்கு இது 500-ஆவது வெற்றியாகும்.

ஸ்வெரெவ் தனது 4-ஆவது சுற்றில், ஆர்ஜென்டீனாவின் பிரான்சிஸ்கோ செருண்டோலோவை சந்திக்கிறார்.

போட்டித்தரவரிசையில் 10-ஆம் இடத்திலிருக்கும் பாபிரின் 5-7, 6-4, 6-4 என்ற செட்களில், 10-ஆம் இடத்திலிருந்த ரஷியாவின் டேனியல் மெத்வதெவை தோற்கடித்தார். அடுத்து அவர், டென்மார்க்கின் ஹோல்கர் ரூனுடன் மோதுகிறார்.