சர்வதேச விளையாட்டுப் போட்டிகளில் பங்கேற்ற மாணவிக்கு 900 மதிப்பெண்கள் வழங்க உத்தரவு

சர்வதேச விளையாட்டுப் போட்டிகளில் பங்கேற்ற மாணவிக்கு 900 மதிப்பெண்கள் வழங்க சென்னை உயர் நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஜூலை 30:

புதுக்கோட்டை மாவட்டம், கீரனூரைச் சேர்ந்த சிவகுமார் தாக்கல் செய்த மனு:

எனது மகள் ஹரிணி, கடந்த மே மாதம் பிளஸ் 2 படித்து முடித்தார். இந்த ஆண்டு நடைபெற்ற 'நீட்' தேர்வில் வெற்றி பெற்ற அவர், ஷூட்டிங் பால் விளையாட்டு வீரர் ஆவார். மேலும் பிப்ரவரி மாதம் நேபாளத்தில் நடைபெற்ற ஆசிய அளவிலான ஷூட்டிங் பால் போட்டியில் தங்கப் பதக்கம் வென்றார்.

இதேபோல, கடந்தாண்டு மார்ச் மாதம் புதுதில்லியில் நடைபெற்ற முதல் உலகக் கோப்பை ஷூட்டிங் பால் சாம்பியன் போட்டியில் வெண்கலப் பதக்கம் வென்றார். இதனால், விளையாட்டுப் பிரிவு இட ஒதுக்கீடு அடிப்படையில் இளநிலை மருத்துவப் படிப்புக்காக விண்ணப்பித்தார்.