கல்வி நிலையங்களில் மாணவர் தற்கொலைகள்: 15 நெறிமுறைகளை வெளியிட்டது உச்சநீதிமன்றம்

கல்வி நிலையங்களில் அதிகரித்துவரும் மாணவர்கள் தற்கொலைகள் மற்றும் அவர்களின் மனநல பாதிப்புகளைத் தடுக்க உச்சநீதிமன்றம் 15 நெறிமுறைகளை வெள்ளிக்கிழமை வெளியிட்டது.

- 

புது தில்லி, ஜூலை 25:

நீதிபதிகள் விக்ரம்நாத், சந்தீப் மேத்தா ஆகியோர் அடங்கிய அமர்வு 15 நெறிமுறைகளை வெளியிட்டு, 'இந்த விவகாரம் தொடர்பாக உரிய சட்டத்தை அரசு இயற்றும் வரையில் இந்த நெறிமுறைகள் அமலில் இருக்கும். அனைத்துக் கல்வி நிறுவனங்களும் சீரான மனநல பாதுகாப்பு திட்டத்தையும், தேசிய தற்கொலைகள் தடுப்பு நெறிமுறைகளையும் பின்பற்ற வேண்டும்.

இந்தத் திட்டத்தை ஆண்டுக்கு ஒருமுறை மறுஆய்வுக்கு உட்படுத்தி அனைத்துக் கல்வி நிலையங்களும் தங்கள் இணையதளத்திலும், அறிவிப்பு பதாகைகளிலும் வெளியிட வேண்டும்' என்று உத்தரவிட்டது.