புதிய வருமான வரி மசோதா மீது 285 பரிந்துரைகள்

மக்களவையில் அறிமுகம் செய்யப்பட்ட புதிய வருமான வரி மசோதா மீதான 285 பரிந்துரைகளுடன் கூடிய தனது அறிக்கையை நாடாளுமன்ற தேர்வுக் குழு புதன்கிழமை இறுதி செய்து ஏற்றது.

- 

புது தில்லி, ஜூலை 16:

நாடாளுமன்ற மழைக்காலக் கூட்டத்தொடரின் முதல் நாளான திங்கள்கிழமை (ஜூலை 21) தனது அறிக்கையை தேர்வுக் குழு மக்களவையில் தாக்கல் செய்ய உள்ளது.

தற்போது நடைமுறையில் உள்ள 1961-ஆம் ஆண்டு வருமான வரிச் சட்டத்தை எளிமைப்படுத்தும் வகையில் புதிய வருமான வரிச் சட்ட மசோதாவை மத்திய அரசு கொண்டுவந்தது.

‘வருமான வரிச் சட்ட மசோதா 2025’ என்ற பெயரிலான அந்த மசோதாவை எதிர்க்கட்சியினரின் கடும் எதிர்ப்புக்கு இடையே, மத்திய நிதியமைச்சர் நிர்மலா சீதாராமன் கடந்த பிப்ரவரி 13-ஆம் தேதி அறிமுகம் செய்தார்.

நடைமுறையில் வருமான வரிச் சட்டத்தில் இடம்பெற்றுள்ள ‘மதிப்பீட்டு ஆண்டு’, ‘முந்தைய ஆண்டு’ என்ற சொற்றொடர்கள் கைவிடப்பட்டு, எளிதில் புரிந்து கொள்ளக் கூடிய வகையில் ‘வரி ஆண்டு’ என மசோதாவில் குறிப்பிடப்பட்டது.

மேலும், நீளமான வாக்கியங்கள், எளிதாக படித்து புரிந்து கொள்ளக் கூடிய வகையில் சிறிய வாக்கியங்களாக மாற்றப்பட்டுள்ளன.