திருப்பரங்குன்றம் மலை விவகாரம்: வழக்கு விசாரணை ஜூலை 28-க்கு ஒத்திவைப்பு

திருப்பரங்குன்றம் மலை விவகாரம் தொடர்பான வழக்கின் விசாரணையை வருகிற 28-ஆம் தேதிக்கு ஒத்திவைத்து சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, ஜூலை 14:

திருப்பரங்குன்றம் மலையில் ஆடு, கோழிகள் பலியிடவும், அசைவ உணவுகள் பரிமாறவும், நெல்லித்தோப்புப் பகுதியில் தொழுகை நடத்தவும் தடை விதிக்கக் கோரி, சோலைக்கண்ணன், ராமலிங்கம், பரமசிவம் ஆகியோரும், திருப்பரங்குன்றம் மலையை சமணர் குன்று என அறிவிக்கக் கோரி சுவஸ்திஸ்ரீ லட்சுமிசேனா பட்டாச்சார்ய மகா சுவாமியும், மலையின் மீதுள்ள சிக்கந்தர் தர்காவில் பராமரிப்பு, புனரமைப்புப் பணிகளை அனுமதிக்கக் கோரி அந்த தர்காவின் முதுநிலை மேலாண்மை அறங்காவலர் ஓசிர்கானும், சிக்கந்தர் தர்காவுக்கு வரும் பக்தர்களுக்குத் தேவையான அடிப்படை வசதிகளை உறுதி செய்யக் கோரி அப்துல் ஜப்பாரும் சென்னை உயர்நீதிமன்றத்தில் மனுக்கள் தாக்கல் செய்தனர்.