வலுவான இந்தியா வளமான உலகுக்குப் பங்களிக்கும்

கானா நாடாளுமன்றத்தில் பிரதமர் மோடி உரை

- 

அக்ரா, ஜூலை 3: 'மிகப் பெரிய ஜனநாயக நாடு என்ற முறையில் உலகுக்கு வலு சேர்க்கும் தூணாக விளங்குகிறது இந்தியா. வலிமை மிக்க இந்தியா, மிக ஸ்திரமான, வளமான உலகுக்குப் பங்களிக்கும்' என்று கானா நாடாளுமன்றத்தில் நிகழ்த்திய உரையில் பிரதமர் நரேந்திர மோடி உறுதிபடத் தெரிவித்தார்.

மாறிவரும் சூழலுக்கு ஏற்ப உலகளாவிய நிர்வாகத்தில் நம்பகத்தன்மை மற்றும் திறன்மிக்க சீர்திருத்தங்கள் அவசியம்; தெற்குலகுக்குக் குரலளிக்காமல் வளர்ச்சி சாத்தியமில்லை' என்றும் அவர் குறிப்பிட்டார்.

கானா, டிரினிடாட்-டொபேகோ குடியரசு, ஆர்ஜென்டீனா, பிரேஸில், நமீபியா ஆகிய ஐந்து நாடுகளுக்கான ஒருவார அரசுமுறைப் பயணத்தைப் பிரதமர் நரேந்திர மோடி புதன்கிழமை தொடங்கினார். முதலாவதாக ஆப்பிரிக்க நாடான கானாவின் தலைநகர் அக்ராவுக்கு வந்தடைந்த அவரை விமான நிலையத்தில் அதிபர் ஜான் டிராமனி மஹாமா வரவேற்றார்.