2003 பிகார் வாக்காளர் பட்டியலில் இடம்பெற்றோர் கூடுதல் ஆவணங்களை சமர்ப்பிக்க வேண்டாம்

இந்திய தேர்தல் ஆணையம்

- 

புது தில்லி, ஜூன் 29: இந்திய தேர்தல் ஆணையத்தால் வாக்காளர் பட்டியல் சிறப்பு தீவிர திருத்தப் பணி தொடங்கப்பட்டுள்ள பிகாரில் 2003-ஆம் ஆண்டு பட்டியலில் இடம்பெற்ற வாக்காளர்கள், மாற்றங்கள் இல்லாத தங்களின் விவரங்கள் குறித்த ஆவணங்களை சமர்ப்பிக்க வேண்டியதில்லை எனத் தெரிவிக்கப்பட்டது.

பிகாரில் தற்போது 243 சட்டப்பேரவைத் தொகுதிகளில் 7.89 கோடிக்கும் அதிகமான வாக்காளர்கள் உள்ளனர். நிகழாண்டு இறுதிக்குள் பிகார் சட்டப்பேரவைத் தேர்தல் நடைபெற உள்ள நிலையில், அரசமைப்புச் சட்டப்பிரிவு 324, 1950-ஆம் ஆண்டின் மக்கள் பிரதிநிதித்துவ சட்டப்பிரிவு 21 ஆகியவற்றின் கீழ், தமக்குள்ள அதிகாரங்களை பயன்படுத்தி, இந்தத் தேர்தலில் வாக்காளர் பட்டியல் சிறப்பு தீவிர திருத்தப் பணிகளுக்குத் தேர்தல் ஆணையம் உத்தரவிட்டுள்ளது.

வாக்காளர் பட்டியல் சிறப்பு சுருக்கமுறைத் திருத்தப் பணிகளையே தேர்தல் ஆணையம் மேற்கொள்வது வழக்கம். இந்த நடைமுறையின் கீழ், வாக்காளர் பட்டியலில் திருத்தங்கள் மேற்கொள்ளப்படும். அதேவேளையில், வாக்காளர் பட்டியல் சிறப்பு தீவிர திருத்தப் பணிகளின் கீழ், அந்தப் பட்டியல் புதிதாக தயாரிக்கப்படும்.