எகிப்து, நமீபியா, கொரியா, வங்கதேசம் அணிகள் வெற்றி

எஃப்ஐஎச் ஜூனியர் ஆடவர் ஹாக்கி உலகக் கோப்பை போட்டியில் 17-24 இடங்களுக்கு நடைபெற்ற ஆட்டங்களில் எகிப்து, நமீபியா, கொரியா, வங்கதேச அணிகள் வெற்றி பெற்றன.

- 

எஃப்ஐஎச், ஹாக்கி இந்தியா, எஸ்டிஏடி சார்பில் நடைபெறும் உலகக் கோப்பை ஹாக்கிப் போட்டி சென்னை, மதுரையில் நடைபெற்று வருகிறது. இதற்கிடையே, மதுரையில் 17-24 இடங்களுக்கான ஆட்டங்கள் திங்கள்கிழமை நடைபெற்றன.

முதல் ஆட்டத்தில் நமீபியா-ஓமன் அணிகள் மோதின. இதில் நமீபிய அணி 4-2 என்ற கோல் கணக்கில் அபார வெற்றி பெற்றது. முதல் கோலை ஓமன் வீரர் அல் வஹாபி அடித்து முன்னிலை பெற்றுத் தந்தார். எனினும் பின்னர் சுதாரித்து ஆடிய நமீபிய அணித் தரப்பில் 19, 22 ஆவது நிமிஷங்களில் வேன் டர் மெர்வ், மைபர்க் ஆகியோர் கோலடித்து முதல் பாதி முடிவில் 2-1 என முன்னிலை பெற்றுத் தந்தனர்.