பிரசாரத்தின் போது அவசர ஊர்தியை சேதப்படுத்திய வழக்கு: அதிமுகவினர் 4 பேருக்கு முன்பிணை

திருச்சி அருகே துறையூர் பகுதியில் சட்டப்பேரவை எதிர்க்கட்சித் தலைவர் எடப்பாடி கே. பழனிசாமி பிரசாரத்தின் போது, அந்த வழியாக வந்த அவசர ஊர்தியை சேதப்படுத்திய வழக்கில், அதிமுகவினர் 4 பேருக்கு முன்பிணை வழங்கி சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, செப். 8:

திருச்சி மாவட்டம், துறையூரைச் சேர்ந்த பாலமுருகவேல், பாலு, விவேக், தீனதயாளன், கலிங்கமுடையான்பட்டியைச் சேர்ந்த பொங்கமராஜ் ஆகிய நான்கு பேர் உயர்நீதிமன்ற மதுரை அமர்வில் முன்பிணை கோரி தாக்கல் செய்த மனுக்கள்: அதிமுக பொதுச் செயலரும், முன்னாள் முதல்வருமான எடப்பாடி கே. பழனிசாமி ‘மக்களைக் காப்போம், தமிழகத்தை மீட்போம்’ என்ற மக்கள் சந்திப்பு பிரசாரத்தில் ஈடுபட்டு வருகிறார்.