தொடர் மழை, காவிரியில் நீர்வரத்து

தஞ்சாவூர் மாவட்டத்தில் தொடர் மழை மற்றும் காவிரி நீர் வரத்தால் ஏரி களில் நீர்மட்டம் 50 சதவீதத்திற்கும் அதிகமாக உயர்ந்துள்ளது.

- 

தஞ்சாவூர் ஆக. 17:

மேட்டூர் அணை திறக்கப்பட்டாலும், டெல்டா மாவட்டங்களிலுள்ள ஆற்றுப் பாசனத்தைச் சார்ந்த ஏரிகளுக்கு செப்டம்பர், அக்டோபர் மாதங்களில்தான் நீர் வரத்து இருப்பது வழக்கம். குறிப்பாக, வடகிழக்கு பருவ மழையைப் பொருத்தே ஏரி, குளங்களுக்கு நீர் வரத்து இருக்கும்.

மேட்டூர் அணையில் நிகழாண்டு போதுமான அளவுக்கு நீர் இருப்பு இருந்ததால், உரிய காலமான ஜூன் 12-ஆம் தேதி திறக்கப்பட்டது. மேலும், காவிரி நீர்ப்பிடிப்புப் பகுதிகளில் அபரிமிதமான மழை பெய்ததால், மேட்டூர் அணைக்கு உபரி நீர் வரத்து தொடர்ந்து அதிகமாக வந்தது. இதன் மூலம், மேட்டூர் அணை 4 முறை நிரம்பியது.