கீஸ், ஸ்விடோலினாவை வெளியேற்றிய டௌசன், ஒசாகா

கனடாவில் நடைபெறும் 1000 புள்ளிகள் கொண்ட டென்னிஸ் போட்டி யான கனடியன் ஓபனில், முன்னணி வீராங்கனைகளான அமெரிக்காவின் மேடிசன் கீஸ், உக்ரைனின் எலினா ஸ்விடோலினா ஆகியோர் காலிறுதியில் புதன்கிழமை அதிர்ச்சித் தோல்வி கண்டனர்.

- 

மான்ட்ரியல், ஆக. 6: கனடாவில் நடைபெறும் 1000 புள்ளிகள் கொண்ட டென்னிஸ் போட்டி யான கனடியன் ஓபனில், முன்னணி வீராங்கனைகளான அமெரிக்காவின் மேடிசன் கீஸ், உக்ரைனின் எலினா ஸ்விடோலினா ஆகியோர் காலிறுதியில் புதன்கிழமை அதிர்ச்சித் தோல்வி கண்டனர்.

மகளிர் ஒற்றையர் பிரிவில், போட்டித் தரவரிசையில் 6-ஆம் இடத்தில் இருந்தவரும், ஆஸ்திரேலிய ஓபன் நடப்பு சாம்பியனுமான கீஸ் 1-6, 4-6 என்ற நேர் செட்களில், 16-ஆம் இடத்திலிருக்கும் டென்மார்க்கின் கிளாரா டௌசனால் மிக எளிதாக தோற்கடிக்கப்பட்டார். இருவரும் மோதியது இது 2-ஆவது முறையாக இருக்க, டௌசன் 2-ஆவது வெற்றியைப் பெற்றிருக்கிறார்.

அவரை வீழ்த்திய டௌசன், காலிறுதிக்கு முந்தைய சுற்றில், நடப்பு விம்பிள்டன் சாம்பியனான போலந்தின் இகா ஸ்வியா டெக்கை வீழ்த்தியது நினைவுகூரத்தக்கது.

ஒரே போட்டியில் இவ்வாறு இரு டாப் 10 வீராங்கனைகளை டௌசன் வீழ்த்தியது இதுவே முதல் முறையாகும்.