79.71 கோடி ஆயுஷ்மான் பாரத் கணக்குகள் உருவாக்கப்பட்டுள்ளன: மத்திய அரசு தகவல்

ஜூலை 28ஆம் தேதி நிலவரப்படி, நாடு முழுவதும் 79.71 கோடி ஆயுஷ்மான் பாரத் ஆரோக்கியக் கணக்குகள் உருவாக்கப்பட்டுள்ளதாக மத்திய அரசு தெரிவித்துள்ளது.

- 

புதுதில்லி, ஆக. 1:

இது தொடர்பாக மத்திய சுகாதாரத் துறை இணை அமைச்சர் பிரதாப் ராவ் ஜாதவ், மக்களவையில் வெள்ளிக்கிழமை கேள்வி ஒன்றுக்கு பதிலளித்துக் கூறியதாவது:

ஒவ்வொரு குடிமகனின் ஆரோக்கியம் தொடர்பான பதிவேட்டை மின்னணு முறையில் பராமரிப்பதற்காக ஆயுஷ்மான் பாரத் மின்னணு தகவல் தொகுப்புத் திட்டம் உருவாக்கப்பட்டுள்ளது. இத்திட்டத்தில் நாடு முழுவதும் உள்ள 4.17 லட்சம் மருத்துவமனைகள் பதிவு செய்யப்பட்டுள்ளன. இதில் 6.76 லட்சம் சுகாதாரப் பணியாளர்களும் இணைக்கப்பட்டுள்ளனர்.