கிழக்கு காங்கோ தேவாலயத்தில் ஐஎஸ் ஆதரவு பயங்கரவாதிகள் தாக்குதல்

கிழக்கு காங்கோவில் கத்தோலிக்க தேவாலய வளாகத்தில் இஸ்லாமிய தேசம் (ஐஎஸ்) பயங்கரவாத அமைப்பின் ஆதரவு பெற்ற ஜனநாயகப் படை கூட்டணி (ஏடிஎஃப்) கிளர்ச்சிக்குழுவினர் சனிக்கிழமை நடத்திய தாக்குதலில் 34 பேர் கொல்லப்பட்டனர்.

- 

கின்ஷாசா, ஜூலை 27:

இத்துரி மாகாணத்தில் அமைந்த தேவாலய வளாகத்துக்குள் நள்ளிரவு ஒரு மணிக்குப் புகுந்த பயங்கரவாதிகள், அங்கிருந்தவர்கள் மீது கண்மூடித்தனமாக துப்பாக்கிச்சூடு நடத்தினர். அத்துடன், அப்பகுதியில் இருந்த பல வீடுகளுக்கும், கடைகளுக்கும் தீ வைத்தனர்.

இது தொடர்பாக உள்ளூர் அதிகாரிகள் மேலும் கூறுகையில், 'பயங்கரவாதத் தாக்குதலில் 34 பேர் உயிரிழந்தனர். இதில் பலரின் உடல்கள் சம்பவ இடத்தில் மீட்கப்படாமல் உள்ளன. தாக்குதலால் பாதிக்கப்பட்டவர்களை மீட்க, தேடுதல் பணி தொடர்ந்து நடைபெற்று வருகின்றன' என்றனர்.