55 பேருக்கு ரூ. 16 லட்சம் மதிப்பில் நலத் திட்ட உதவிகள்

கரூர் மாவட்டத்தில் வியாழக்கிழமை நடைபெற்ற உங்களுடன் ஸ்டாலின் திட்ட முகாம்களில் 55 பேருக்கு ரூ. 16.78 லட்சம் மதிப்பிலான நலத் திட்ட உதவிகளை வி. செந்தில்பாலாஜி எம்எல்ஏ வழங்கினார்.

- 

கரூர், ஜூலை 17:

கரூர் மாநகராட்சி மற்றும் அரவக்குறிச்சி வட்டத்தில் 'உங்களுடன் ஸ்டாலின்' திட்டத்தின் கீழ் வியாழக்கிழமை 4 முகாம்கள் நடைபெற்றன. இதில், கரூர் மண்டலம் 2-இல் நடைபெற்ற முகாமில் பயனாளிகளுக்கு நலத்திட்ட உதவிகளை வழங்கிய செந்தில்பாலாஜி எம்எல்ஏ, பின்னர் செய்தியாளர்களிடம் கூறியதாவது:

கரூர் மாவட்டத்தில் கடந்த 2 நாட்களாக 8 இடங்களில் நடைபெற்ற உங்களுடன் ஸ்டாலின் திட்ட முகாம்களில் மொத்தம் 5,067 மனுக்கள் பெறப்பட்டுள்ளன. இதில், 2,244 மனுக்கள் கலைஞர் மகளிர் உரிமைத் தொகைக்கான விண்ணப்பங்களாகும்.