காவல் துறை யாருக்கு நண்பன்?

துமக்களின் நண்பன் என காவல் துறை தன்னைக் கூறிக் கொள்கிறது. ஆனால், அது உண்மையல்ல என்று நிரூபிக்கின்றன காவல் துறையினரின் செயல்பாடுகள். பொதுமக்கள் மீதான காவல் துறையினரின் அத்துமீறல்கள் எங்காவது எப்போதாவது நடக்கும் என்றிருந்த நிலை மாறி, தமிழகம் முழுவதும் பரவலாக அதிகரிக்கத் தொடங்கிவிட்டன.

- எஸ்.ராஜாராம்

திருவள்ளூர் மாவட்டம், திருவாலங்காடு கனகம்மாசத்திரம் பகுதியில் பாலியல் ரீதியான துன்புறுத்தல் தொடர்பாக புகார் அளிக்கச் சென்ற மூன்று பெண்களுக்கும், காவல் நிலையத்தில் பணியில் இருந்த தலைமைக் காவலருக்கும் இடையே வாக்குவாதம் ஏற்பட்டு, அந்தப் பெண்களை தலைமைக் காவலர் தாக்கும் விடியோ சமூக வலைதளங்களில் வெளியாகி பரவியது. மூன்று பெண்களில் ஒருவர் கர்ப்பிணி. இந்த சம்பவத்தையடுத்து, தலைமைக் காவலர் கைது செய்யப்பட்டு பணி இடை நீக்கமும் செய்யப்பட்டிருக்கிறார்.

சென்னையைச் சேர்ந்தவர் பிரியதர்ஷினி. சொத்து பிரச்னை விவகாரத்தில் தனக்கு விடுக்கப்பட்ட மிரட்டல் குறித்து கோவை ரேஸ்கோர்ஸ் காவல் நிலையத்தில் 2023-ஆம் ஆண்டு புகார் அளிக்கச் சென்றார். அந்தப் புகாரை அப்போதைய காவல் ஆய்வாளர் விசாரிக்காமல், பிரியதர்ஷினி மீதும், அவரின் கணவர் மீதும் பொய் புகார் பதிவுசெய்து கைது செய்து விடுவதாக மிரட்டியதால், மாநில மனித உரிமை ஆணையத்தை அணுகினார் பிரியதர்ஷினி.

விசாரணையின் முடிவில் காவல் ஆய்வாளர் மனித உரிமை மீறலில் ஈடுபட்டதை உறுதிசெய்த ஆணை எஸ்.ராஜாராம், மனுதாரருக்கு ரூ.50,000 இழப்பீடு வழங்க வேண்டும் எனவும், அந்தத் தொகையை ஆய்வாளரிடம் வசூலிக்க வேண்டும் எனவும் தமிழக அரசுக்கு உத்தரவிட்டது.