ஐபிஎல் போட்டி ஒரு வாரம் நிறுத்திவைப்பு

இந்தியா - பாகிஸ்தான் இடையேயான போர்ப் பதற்றத்தை அடுத்து, ஐபிஎல் கிரிக்கெட் போட்டி ஒரு வாரத்துக்கு நிறுத்தி வைக்கப்படுவதாக வெள்ளிக்கிழமை அறிவிக்கப்பட்டது.

- 

புது தில்லி, மே 9:

முதலில் காலவரையின்றி நிறுத்தி வைக்கப்படுவதாக அறிவிக்கப்பட்ட நிலையில், பின்னர் ஒரு வாரத்துக்கு மட்டும் நிறுத்தி வைக்கப்படுவதாக தெரிவிக்கப்பட்டது.

இதுகுறித்து, பிசிசிஐ செயலர் தேவஜித் சாய்கியா வெள்ளிக்கிழமை வெளியிட்ட அறிக்கையில் கூறியுள்ளதாவது:

ஐபிஎல் போட்டியின் ஆட்டங்களை உடனடியாக ஒரு வார காலத்துக்கு நிறுத்தி வைக்க பிசிசிஐ முடிவு செய்துள்ளது. நாட்டில் தற்போது நிலவும் சூழலை விரிவாக மதிப்பீடு செய்து, உரிய அதிகாரிகளுடனான ஆலோசனைக்குப் பிறகு, போட்டியை தொடர்வதற்கான புதிய அட்டவணை வெளியிடப்படும்.