தாந்தோன்றிமலை கல்யாண வெங்கடரமண சுவாமி கோயில் தேரோட்டம்

கரூர் மாவட்டம், தாந்தோன்றிமலை கல்யாண வெங்கடரமண சுவாமி கோயில் மாசிமகத் தேரோட்டம் புதன்கிழமை நடைபெற்றது.

- 

கரூர், மார்ச் 12:

தென் திருப்பதி என்றழைக்கப்படும் இக்கோயிலில் மாசி மகத் தேரோட்ட விழா கடந்த 4-ஆம் தேதி கொடியேற்றத்துடன் தொடங்கியது. தொடர்ந்து, 6-ஆம் தேதி வெள்ளி கருட வாகனச் சேவையும், 10-ஆம் தேதி திருக்கல்யாண உற்சவமும் நடைபெற்றது.

விழாவின் முக்கிய நிகழ்வான தேரோட்டம் புதன்கிழமை நடைபெற்றது. முன்னதாக, கல்யாண வெங்கடரமண சுவாமி மற்றும் ஸ்ரீதேவி, பூதேவி சுவாமிகளுக்கு அதிகாலையில் சிறப்பு அபிஷேக ஆராதனையும், தொடர்ந்து, சுவாமி களுக்கு தீபாராதனையும் நடைபெற்றது.