திமுக எம்.பி. அருண் நேருவிடம் முக்கிய ஆவணங்கள் பறிமுதல்

லஞ்ச புகார் தொடர்புடைய வழக்கில் திமுக எம்.பி அருண் நேரு மற்றும் அமைச்சர் கே.என். நேருவின் சகோதரர் கே.என்.ரவிச்சந்திரன் ஆகியோரிடமிருந்து முக்கிய ஆதாரங்கள் பறிமுதல் செய்யப்பட்டுள்ளதாக அமலாக்கத் துறை தெரிவித்துள்ளது.

- 

சென்னை, ஏப். 11:

தமிழக நகராட்சி நிர்வாகத் துறை அமைச்சர் கே.என்.நேரு, அவரது மகனும் பெரம்பலூர் மக்களவைத் தொகுதி எம்.பியுமான அருண் நேரு மற்றும் நேருவின் சகோதரர்கள் கே.என்.ரவிச்சந்திரன், மணிவண்ணன் ஆகியோர் பல்வேறு நிறுவனங்களை நடத்தி வருகின்றனர்.

இந்நிலையில், காற்றாலை மூலம் மின்சாரம் தயாரிக்கும் தங்கள் நிறுவனத்தை மேம்படுத்த, ரவிச்சந்திரன் மயிலாப்பூரிலுள்ள இந்தியன் ஓவர்சீஸ் வங்கியில் ரூ.22.48 கோடி கடன் பெற்று மோசடி செய்ததாக வங்கி நிர்வாகம் கொடுத்த புகாரின் அடிப்படையில், 2021-இல் வழக்குப்பதிவு செய்யப்பட்டது.

இந்த வழக்கில் பண முறைகேடு தொடர்பான முகாந்திரம் இருந்ததால், அமலாக்கத்துறை விசாரணைக்கு பரிந்துரைக்கப்பட்டது.