கல்லூரிகளில் நன்கொடை பெயரில் கட்டணம் வசூலிக்கத் தடை

'கல்லூரிகளில் கட்டாய நன்கொடை வசூலிப்பது தடை செய்யப்பட்டுள்ளது; தனியார் சுயநிதிக் கல்லூரிகளுக்கும் இது தொடர்பாக அரசு எச்சரிக்கை விடுத்துள்ளது' என்று உயர் கல்வித் துறை அமைச்சர் பெ. விஸ்வநாதன் தெரிவித்தார்.

- 

பொறியியல் தரவரிசைப் பட்டியலை வெளியிடும் நிகழ்வில் பத்திரிகையாளர் கள் கேள்விகளுக்கு பதிலளித்து அமைச்சர் விஸ்வநாதன் கூறியதாவது:

தமிழகத்தில் 450 சுயநிதிப் பொறியியல் கல்லூரிகள், 3 அரசு உதவி பெறும் பொறியியல் கல்லூரிகள் உள்ளிட்ட மொத்தம் 484 பொறியியல் கல்லூரிகள் உள்ளன. இவற்றில் 2,65,594 இடங்கள் உள்ளன.

மேலும் இவ்வாண்டு சுமார் 19,657 இடங்கள் கூடுதலாக கேட்டு விண்ணப்பித்துள்ளனர். இவற்றில் 7 புதிய பொறியியல் தனியார் கல்லூரிகளும் அடக்கம். அனுமதி கோரிய கல்லூரிகளில் முறையாக ஆய்வுகள் மேற்கொள்ளப்பட்டு இந்த கூடுதல் இடங்களுக்கு அனுமதி வழங்கப்படும். கடந்தாண்டு அரசு பொறியியல் கல்லூரிகளில் 120 இடங்கள் அதிகரிக்கப்பட்டுள்ளது.