திமுக சட்டப்பேரவைத் தொகுதி வாக்குச் சாவடி நிலை முகவர்கள் ஆலோசனைக் கூட்டம்

கனிமொழி எம்.பி. பங்கேற்பு

- 

திருச்செந்தூர், ஜூலை 9: திருச்செந்தூரில் திமுக சட்டப்பேரவைத் தொகுதி வாக்குச்சாவடி நிலை முகவர்கள் ஆலோசனைக் கூட்டம் புதன்கிழமை நடைபெற்றது.

தூத்துக்குடி தெற்கு மாவட்ட திமுக சார்பில், ஐஎம்ஏ மஹாலில் நடைபெற்ற இந்தக் கூட்டத்துக்கு தெற்கு மாவட்டச் செயலரும், மீன்வளம், மீனவர் நலன் மற்றும் கால்நடை பராமரிப்புத் துறை அமைச்சருமான அனிதா ஆர்.ராதாகிருஷ்ணன் தலைமை வகித்தார். வர்த்தக அணி மாநில துணைச் செயலர் உமரிசங்கர், இளைஞரணி மாவட்ட அமைப்பாளர் ராமஜெயம், ஒன்றியச் செயலர்கள் செங்குழி ரமேஷ் (திருச்செந்தூர்), பாலசிங், இளங்கோ (உடன்குடி), சதீஷ்குமார் (ஆழ்வார்திருநகரி மேற்கு), மாநில பொதுக்குழு உறுப்பினர் சாகுல் ஹமீது, சட்டப்பேரவைத் தொகுதி பொறுப்பாளர் ஷபி சுலைமான், மகளிரணி மாநில பிரசாரக் குழு செயலர் ஜெஸி பொன்ராணி, திருச்செந்தூர் நகரச் செயலர் வாள் சுடலை ஆகியோர் முன்னிலை வகித்தனர்.