அனுமதி அளித்தால் யூகலிப்டஸ் மரங்களை விரைவில் அகற்றலாம்

சுற்றுச்சூழலை அதிக அளவு பாதிக்கும் யூகலிப்டஸ் என்ற அந்நிய தாவரத்தை வனப்பகுதியில் இருந்து அகற்ற வேண்டும் என்று சென்னை உயர்நீதிமன்றம் கூறியுள்ள நிலையில் இவற்றை முழுமையாக அகற்ற 10 ஆண்டுகள் வரை ஆகும் என்று தமிழக அரசு சார்பில் நீதிமன்றத்தில் கூறப்பட்டுள்ளது.

- ஜான்சன் சி.குமார்

உதகை, ஜூலை 27:

ஆனால் உள்ளூர் தேயிலை உற்பத்திக்கான எரிபொருளாக இந்த மரங்களை வெட்டி எடுக்க அனுமதி கிடைத்தால் அரசுக்கும் கணிசமான அளவு வருவாய்கிடைப்பதோடு, ஆள்பற்றாக்குறையால் தாமதப்படும் பணிகளும் விரைந்து நிறைவுற்று, வனங்கள் காக்கப்படும் என்று வன ஆர்வலர்கள் கூறுகின்றனர்.

ஆங்கிலேயர்களால் 19 ஆம் நூற்றாண்டில் இந்தியாவில் புகுத்தப்பட்ட தாவரங்களில் யூகலிப்டஸ் மரமும் ஒன்று. முதலில் எரிபொருளுக்காக இந்தியாவில் அறிமுகப்படுத்தப்பட்டாலும், பின்னர் மரக்கூழ் தொழிற்சாலைகளுக்கும், காகிதம் மற்றும் மருத்துவப் பயன்பாடுகளுக்காகவும் தைல மரங்கள் விரும்பிப் பயிரிடப்பட்டன. தைல மரங்களில் 600-க்கும் மேற்பட்ட வகைகள் உள்ளன. யூகலிப்டஸ் மரங்கள் 200 அடி உயரம் வரை வளரக்கூடியவை.