சிவகிரி அருகே வீட்டின் பூட்டை உடைத்து திருட முயற்சி

சிவகிரி அருகேயுள்ள மேகரையான் தோட்டத்தை சேர்ந்த விவசாயத் தம்பதி மர்ம நபர்களால் படுகொலை செய்யப்பட்டு, நகை, பணம் கொள்ளையடிக்கப்பட்ட சம்பவத்தின் பரபரப்பு அடங்குவதற்குள் சிவகிரியை அடுத்த தொப்பபாளையத்தில் வீட்டின் பூட்டை உடைத்து திருட முயற்சி நடந்துள்ளது.

- 

மொடக்குறிச்சி, மே 6:

சிவகிரி அருகே உள்ள தொப்பபாளையத்தைச் சேர்ந்தவர் ஜெகதீசன் (60). இவரது மனைவி திலகம் (58) அங்கன்வாடி மேற்பார்வையாளராக உள்ளார். இவர்களது மகன் ஹரிஹரசுதன் திருமணமாகி சென்னையில் தகவல் தொழில்நுட்ப (ஐடி) நிறுவனத்தில் வேலை பார்த்து வருகிறார்.