விஜயலட்சுமியிடம் மன்னிப்பு கேட்க சீமானுக்கு உச்சநீதிமன்றம் உத்தரவு

தனக்கு எதிராக பாலியல் வழக்கு தொடர்ந்துள்ள நடிகை விஜயலட்சுமி தொடர்பாக பொதுவெளியில் அவதூறாகப் பேசியதற்கு நாம் தமிழர் கட்சியின் தலைமை ஒருங்கிணைப்பாளர் சீமான் மன்னிப்பு கேட்டு, அது தொடர்பான பிரமாணப்பத்திரத்தை தாக்கல் செய்ய வேண்டும் என்று உச்சநீதிமன்றம் வெள்ளிக்கிழமை உத்தரவிட்டது.

- நமது நிருபர்

நமது நிருபர் புது தில்லி, செப். 12:

சீமானுக்கு எதிராக நடிகை விஜயலட்சுமி 2011-ஆம் ஆண்டில் பாலியல் வன்கொடுமை புகார் அளித்து, பின்னர் 2012-இல் அதை திரும்பப் பெற்றார். இருப்பினும், 2023-இல், அவர் சீமானுக்கு எதிராக அளித்த புகாரின் அடிப்படையில் அவர் மீது காவல் துறையினர் வழக்குப் பதிவு செய்து விசாரித்து வருகின்றனர்.